યાદ છે તને...

યાદ છે તને...વસંત ઋતુ ની શરૂઆત માં
નવતર ખીલેલા કૂંપળ માંથી
બનેલા પુષ્પા ના બાગમાં
હું ભમરો ને તું ફુલ મળ્યા હતા


યાદ છે તને...
પહેલી મુલાકાત હતી એ દિવસે ,
ચુપચાપ દુર ઉભા હતા એકબીજાથી,
કરવી હતી ઘણી વાતો,
પણ હોઠો સીવાયેલા હતા


યાદ છે તને...
હતી તું શરમાતી જોતી નીચી નઝરો થી મુજને,
હોઠોને દાંતો વચ્ચે દબાવતી,
આંખો થી વાતો કરતી એ ક્ષણ


યાદ છે તને...
જયારે મારા હાથ તારા હાથ ને સ્પર્શી લેતા,
બધાની નજરો થી બચવા પોતાને બચાવતી,
એ પ્રેમ ભરી ઢળતી સાંજ


યાદ છે તને...

કેટલી વાર

કેટલી વાર કહે દીલ,દીલ નું હું સાંભળું કેટલી વાર.

કેટલી વાર એમ લાગે છે કે તારી નામાં પણ મારી ખુશી છે.
કેટલી વાર એમ લાગે છે જો તુએ હા પડી હોત તો વાત જ હોત જુદી
કેટલી વાર વિચારું છું મનને રાખવા અમસ્તા જ તું હાં કહી દેત તો શું ?


કેટલી વાર હેરાન થાઉં છું
નામ લે જયારે મારા હોઠો તારું,
તને અપર્ણ કરવા મારા પ્રેમ માંથી
જાણે હવામાં સુગંધ ભળી જાય છે.

કેટલી વાર વિચારું છું આ બીજા ઉપર,
નભેલા નિર્ણય ને છોડી આવી મારી પાસે રહીજા.
કેટલી વાર મને લાગ્યું
તારી સાથે ઉડતા ગગનની દુકાન માંથી
શોધી આ ચંદ્ર ને પીગળાવી એમાંથી
મોતી બનાવી તારા કાનોમાં પહેરાવી દઉં.

કેટલી વાર ફરી વિચારું કે
તું સમજી જશે જે હું કહી નાં શક્યો
પણ ડરું છું કે તું શું કહેશે,
કેમ અમસ્તા જ લાવ્યા છો એ તમે.


કેટલી વાર કહે દીલ,દીલ નું હું સાંભળું કેટલી વાર
કેટલી વાર કહું મારી જાગેલી રાતો ને
તને મળવાના દિવાસ્વપ્નો ને ?

પ્રેમ એટલે ?

પ્રેમ એટલે ?

પ્રેમ એટલે અદભુત લાગણી,

કોઈ માટે જીવવાની કોઈ માટે મરવાની.

પ્રેમ એટલે,

હદયથી હદયનું જોડાણ,

આંખોનું દ્રશ્ય સાથે સંગમ,

કાનનું અવાજ સાથે મિલન,

નાકનું સુગંધ સાથે મેળાપ,

હદય સાથે જોડાયેલો ધબકાર,

પગ સાથે જોડાયેલો રણકાર,

જીભ સાથે સ્વાદનો ચટકાર.

પ્રેમ એટલે,

જે આ ધરતી પર દરેક વ્યક્તિ કરવા માંગે,

કઠોર થી કઠોર પણ ને કોમળ પણ,

પ્રેમ એટલે,

સવારની સુર્યની કિરણ પૃથ્વી ને પવિત્ર કરતી.

જેમ ગંગામાં સ્નાન કરતા પાપી પાપ ધોવાય.

પ્રેમ એટલે,

ચંદ્રમાનો શીતલ પ્રકાશ જે પૃથ્વી ને પ્રજ્વલ્લિત કરે.

સવારની પહેલી ઝાકળ જે ફુલો ને લીલાછમ કરી દે.

પ્રેમ એટલે,

કિનારા સાથે અથડાઈ જતી સમુદ્રની લહેર.

તરસ્યાની પ્યાસ બુઝાવતું નદી નિર્મળ નીર.

પ્રેમ એટલે,

સૂર્યના તડકામાં તપતા રહી છાયડો આપતું વૃક્ષ.

પ્રેમ એટલે,

ચિત્રકારની ચિત્રિત કલ્પના,

કવિની રચેલી રચના.

ગીતકાર નું ગાયેલું ગીત,

સંગીતકારે રચેલું સંગીત.

પ્રેમ એટલે પોતાની પ્રીત પર શ્રદ્ધા અને વિશ્વાસ.

એમ ઈચ્છું છું.

બસ! આ વનવાસ પૂરો થઈ જાય એમ ઈચ્છું છું.

તું મને પહેલા નાં મળી એનો કોઈ અફસોસ નથી,

પણ હવે તું મને ફરી મળી જાય એમ ઈચ્છું છું.

અત્યાર સુધી ખુદા પાસે કંઈ જ માંગ્યું નથી,

તારો સાથ પળ ભર માટે મળી જાય એમ ઈચ્છું છું.

પ્રેમી પંખી જોઈ હું તારા વિચારમાં તડપતો રહેતો,

હવે આ તડપ પળભર શમી જાય એમ ઈચ્છું છું.

તું જ ને મળીશ એની રાહ માં વિચારો સજાવ્યા છે.

એ વિચારો વાસ્તવિકતામાં બદલાય એમ ઈચ્છું છું.

તને મળીશ ત્યારે શું કહીશ?, શું પૂછીશ? એ સવાલો છે,

આ સવાલો નાં જવાબ મળી જાય એમ ઈચ્છું છું.

આપણે બે વચ્ચે કોઈ અંતર ના રહે એટલી તું સમીપ હોય

મિલનની તકો વધે ને તું ફરી મળી જાય એમ ઈચ્છું છું.

તું મારી બાહોમાં હશે, તારા હોઠોને સ્પર્શતા મારાં હોઠો ઉપર,

સવાર નું પહેલું ઝાકળ પડી જાય......

એમ ઈચ્છું છું.

આજે નીકળ્યો છું મનગમતાં શહેરમાં

આજે નીકળ્યો છું મનગમતાં શહેરમાં, 

પોળે ગલીએ એક ચહેરા ની શોધમાં

 આજે છે કાઈ મોસમ નો મિજાજ જુદો ,

ચાલી રહી ઠંડી હવાઓમાં એક એહસાસ જુદો .

ત્યાં પોળના વળાંકે હતી એક પરી ઉભી,

જોઈ ને એને સ્વપ્નો સજી ગયા,એને મળવાના,

વાતો કરવાના આયોજન થયી ગયા.

પણ જે ખુશી બે પળ માટે છવાયી હતી,

એ એનો બોય ફ્રેન્ડ આવતા જતી રહી.

એ ભુલાવી હું થોડો આગળ વધ્યો.

આવી પહોંચ્યો ચોકે વડની છાયાએ થોભેલા.

વડાપાવ, પાણીપુરી અને પાવભાજી નાં સ્ટોલે.

ફરી અચાનક નજર પડી એક સુંદર ચેહરા ઉપર,

થયો હતો અનુભવ હમણાજ એટલે વિચારો ની

ગાડી ને થોભાવી દીધી.

આખો તો થોડો વાર રોકાઈ એના ઉપર,

પણ સ્વપનો ની અને આયોજનની ઝડી ને 

મેં થોભાવી દીધી.

આજે નીકળ્યો છું મનગમતા શહેરમાં, 
પોળે ગલીએ એક ચહેરા ની શોધમાં

પણ એક પળ યાદ આની સાથે યાદ આવી ગયો.

ધોધમાર વરસાદ માં જયારે આપણે મળ્યા હતા.
તું  હતી મારી છત્રી માં જેમાં આપણે બે અજાણ્યા.

હોટો ઉપર એકેય શબ્દ નહોતો,
છતાં આંખો કઈ કહેતી હતી.

એ દિવસ થી આજના દિવસ સુધી,
હું તને જ યાદ કર્યા કરું છું,

નાં જાણે ક્યાંક તું મને મળી જાય,

                            મારાં મનગમતાં શહેરમાં,  

કયારેક તો નીચે આવ ઓ નભ

કયારેક તો નીચે આવ ઓ નભ,
તુજ સાથે મારે રમવું છે.

કેટલું વિશાળ છે તું,પણ છે એકલું,
આવ અમારા સંગ થોડું રમીલે.



થોભ જરા પતંગ ને ફરવા મોકલું છું તારે ઘેર,
લાલ લીલા પીળા બની ઉડે છે ઠેર ઠેર.

પાતળી દોરી નો સહારો લઈ ઊડે છે એ,
તું કહે તો તને પણ કોઈ સાથ શોધી આપું.

ના તું હસતું રમતું ઉમંગો માં ઊડતું,
અમારા પતંગો ની જેમ,

અધૂરું છે તું સુનું કંઈક વિના ખુંટતુ,
જાણે તારો કોઈએ પેચ કાપ્યો હોય.

જોવું હોય તો અમને જોયલે આજે,
કેવા હસતા રમતા તુટીને પણ જોડાતા.

જોને અમારા પતંગ ને પંખી નથી અમે,
છતા પણ પતંગો સાથે અમે મન ભરી ઉડીએ છીએ.

આવ ક્યારેક નીચે જોવું છે તને,
બાંધવું છે દોરી ને સહારે એક મીઠો સંબધ.